Rayon Sports yaraye itsinze Muhazi United ibitego 2-1 mu mukino w’umunsi wa 12 wa Shampiyona bituma igira amanota 29, irusha amanota icyenda AS Kigali iyikurikiye.

Hazakurikiraho umukino uzayihuza na APR FC kuri uyu wa Gatandatu.

Kevin Muhire Kapiteni wa Rayon Sports afite icyizere cyo kuzatsinda mukeba wayo ari we APR FC.

Yagize ati: “Gahunda yacu ni ukwitegura buri mukino. Dutsinze Muhazi Utd. Biratwemerera ko amaso yacu noneho tuyahanga Derby. Abayobozi n’umutoza baturi hafi. Nijeje abakunzi ba Rayon Sports intsinzi kuwa Gatandatu”.

Yasabye abafana b’ikipe ye kuzitabira imukino wo ku wa Gatandatu, Stade Amahoro bakazayuzura.