Ikipe ya REG Volleyball Club y’abagabo na APR Volleyball Club y’abagore ni zo zegukanye Shampiyona ya Volleyball y’u Rwanda y’umwaka w’imikino wa 2022-2023.
Kuri iki Cyumweru taliki ya 22 Mutarama, 2023 ni bwo shampiyona ya Volleyball umwaka wa 2022-2-23 yarangiye nyuma y’amezi ane ikinwa.
Yakinwe mu buryo bw’uduce (phases) muri buri gace (phase) amakipe yarahuraga hakamenyekana ikipe ya mbere kugeza ku ya nyuma kandi iyabaye iya mbere akegukana ako gace.
Shampiyona y’umwaka wa 2022-2023 yakinwe n’amakipe 15 y’ibitsina byombi.
Imikino yayo yabereye mu Ntara zitandukanye z’igihugu.
Ni intara zisanzwe zifite uturere dufite amakipe azwiho ubuhanga muri Volley, uretse intara y’Amajyaruguru ifite ikipe ya IPRC MUSANZE yo itarakiriye agace na kamwe kubera ibihe by’imvura nyinshi byari yo.
Mu Burasirazuba hakiniwe uduce tubiri, tubera m Kirehe na Ngoma, mu Majyepfo imikino yabereye muri Ruhango na Gisagara.
Ahandi habereye imikino no mu Mujyi wa Kigali kandi ho habereye myinshi kubera ko harusha ahandi ibikorwa remezo by’uyu mukino.
Mu cyiciro cy’abagabo harimo ihangana rikomeye kuko ikipe ya REG VC n’ubwo yegukanye igikombe ariko yarangije inganya amanota n’ikipe ya Gisagara VC gusa batandukanywa n’uduce buri kipe yegukanye.
REG yegukanye tune (4) naho Gisagara yegukana dutatu (3), Forefront( ni ikipe ya Polisi y’u Rwanda) yegukanye agace kamwe rukumbi.
Mu cyiciro cy’abagore, ikipe ya APR ni yo yatwaye hafi uduce twose kuko yatwaye uduce turindwi mu duce umunani twakinwe.
Forefront yatwaye ako kamwe gasigaye!
Ubwo iyi shampiyona yarangizwaga taliki 22, Mutarama, 2023, hashimiwe amakipe yahize ayandi, iya mbere yahawe Frw 2,000,000, iya kabiri Frw 1,500,000 naho iya gatatu ihabwa Frw 1,000,000.
Abakinnyi bitwaye neza mu mikino ya “Commonwealth Games” nabo barahembwe.
Iyi ni imikino ihuza ibihugu bikoresha Icyongereza yabereye mu Bwongereza mu mujyi wa Birmingham.
Abahembwe ni:
– Ntagengwa Olivier,
– Gatsinzi Venuste.
– Mudahinyuka Christopher (umutoza).
Hashimiwe n’ikipe ya Gisagara VC kubera kwitwara neza mu mikino ya Champions League iherutse kubera muri Tunisia ikaya yarahavuye iri ku mwanya wa gatatu.
Abakinnyi bacyuye igihe mu ikipe y’igihugu nabo barashimiwe. Abo ni Dusabimana Vincent, Emile Karera Dada na Yakan Guma Laurence.
Mu mpera za Mutarama, 2023 ni ukuvuga guhera taliki 28, Mutarama, 2023 hazatangira indi mikino y’irushanwa ry’umunsi w’intwari z’u Rwanda uba mu ntangiriro za Gashyantare, buri mwaka.
