Abasiganwa mu kuzenguruka u Rwanda ku ikubitiro barahaguruka i Nyarutarama ahitwa Golf berekeze in Rwamagana. Barakora intera ya Kilometero 115,6. Barahaguruka saa yine.
Tour du Rwanda ya 2023 izakinwa n’amakipe 20.
Umwe mu bakinnyi b’Abanyarwanda b’abahanga mu mikino w’igare kurusha abandi witwa Moïse Mugisha yaraye ababwiye itangazamakuru ko yiteguye gukina neza afatanyije na bagenzi be ndetse bakaba bahangamura na Chris Froome umwe mu bahanga bakomeye ku isi kurusha abandi.
Froome nawe yavuze ko ataje mu gutembera, ahubwo yaje gukora akazi ke ko gukomeza kwesa imihigo.
Umuhanda wa Kigali-Gisagara wongerewe ku yindi izakinwa muri iri siganwa.
Umuyobozi wa FERWACY witwa Abdallah Murenzi avuga ko bashyizeho uriya muhanda mu rwego rwo gufasha abaturage ba Gisagara kwishimira ririya siganwa kuko baherutse no gutaha kaburimbo nshya.
