Ambasaderi w’u Bwongereza mu Rwanda Amb Omar Daair yagejeje impano kuri Madamu Clementine Mukeka usanzwe ari Umunyamabanga uhoraho muri Minisiteri y’ububanyi n’amahanga mu Rwanda amushimira uko itsinda rigari ry’abantu bateguye kandi bagakurikirana uko ishyirwa mu bikorwa rya CHOGM ryagenze.
Clementine Mukeka niwe wari ukuriye task force yakurikiranaga uko imyiteguro ya CHOGM 2022 yabereye mu Rwanda yagenze.
Iriya nama y’Abakuru b’ibihugu n’Abakuru ba za Guverinoma yabereye i Kigali yagenze neza k’uburyo hari bamwe bavuze ko nta yindi babonye yari iteguye neza kuyirusha.
CHOGM took a huge amount of work. One person who did lots of it (especially for the 🇬🇧 team) was awesome PS @MukekaClem!
As a token of our appreciation I presented her a copy of the Platinum Jubilee Cookbook 👑
Thanks Clementine for your support to UK – #Rwanda relations 🤝🏽 pic.twitter.com/kqgcmNXPgS
— Omar Daair (@omardaair) July 8, 2022
Kuri Twitter, Ambasaderi Daair yagize ati: “CHOGM yasabye imbaraga nyinshi.Umuntu umwe wakoze byinshi muri ibi byose cyane cyane mu gushyira ku murongo itsinda ryayiteguye Umunyamabanga uhoraho muri Minisiteri y’ububanyi n’amahanga y’u Rwanda Madamu Mukeka Clem”
Daair yagejeje kuri Clementine Mukeka igitabo kitwa Platinum Jubilee Cookbook mu rwego rwo kumushimira ko yabyitwayemo neza kandi bigatuma iriya nama igera ku ntego zayo.
