Ikipe y’abagabo ya Police y’u Rwanda ikina umukino wa Handball yegukanye igikombe mu irushanwa rihuza amakipe yo mu Karere ka Africa y’Iburasirazuba n’iyo hagati (ECAHF) ryaberega muri Tanzania mu Mujyi wa Dar-Es Salaam.
Ni nayo yari isanzwe ifite icy’umwaka ushize.
Hagati aho ikipe y’abagore ya Handball y’i Kiziguro mu Karere ka Gatsibo nayo yaje ku mwanya wa gatatu itsinze indi yitwa Cereals HC nayo yo muri Kenya.
Kuri Twitter, Minisiteri ya Siporo yashimiye ariya makipe uko yitwaye muri ririya rushanwa.
Ikipe y'abagabo ya Police Handball Club y'u Rwanda yegukanye igikombe cya #ECAHF2021 cyaberaga muri Tanzania itsinze Cereals yo muri Kenya ibitego 28-27. Mu bagore Kiziguro SS yegukanye umwanya wa gatatu.
Mwarakoze guhagararira Igihugu neza.
@ferwahandinfo @Rwandapolice pic.twitter.com/JDhHYeY2Nt— Ministry of Sports|Rwanda (@Rwanda_Sports) December 4, 2021
Umukino wa nyuma warangiye ikipe ya Polisi y’u Rwanda itsinze iya Kenya iyirusha igitego KIMWE.
Mu mukino wa kimwe cya kabiri cy’irangiza wabaye kuri uyu wa Gatanu Polisi y’u Rwanda yatsinze ikipe yo muri kirwa cya Zanzibar yitwa Nyuki HC ibitego 28 kuri 22.
Umukino wahuje Ikipe ya Polisi y’u Rwanda n’iyo muri Tanzania yitwa Black Mamba wabaye ku wa Gatatu tariki ya 1 Ukuboza 2021, icyo gihe warangiye Polisi y’u Rwanda itsinze ibitego 25 ku bitego 19 bya Black Mamba ya Kenya.
