Ubuyobozi bw’Ikigo gishinzwe kugenzura itangazamakuru muri Uganda(Uganda Communications Commission) bwaraye busabye Google  guhagarika imbuga za YouTube 14 bushinja ko zangisha Leta abaturage. Muri zo hari mo iyitwa Bobi Wine 2021.

Amabwiriza asaba ko ziriya  YouTube zifungwa avuga ko ziri gukoreshwa mu kwangisha Leta abaturage binyuze mu gutangaza amakuru adahuje n’ukuri, harimo no gukabiriza ibintu.

Avuga kandi ngo ni uko ziriya mbuga zituma abantu bica nkana amategeko kandi zigatuma abantu bishora mu rugomo.

Imidugararo yadutse  muri Uganda rwagati mu Ugushyingo, 2020 yahitanye abantu bagera kuri 50.

Yatewe n’uko abantu batishimiye ifatwa n’ifungwa rya Depite Robert Kyagulanyi uzwi ku izina rya Bobi Wine usanzwe ayobora ishyaka ryitwa National Unity Platform (NUP).

Niwe ukomeye mu bandi bahanganye na Perezida Museveni ku mwanya wo kuyobora Uganda.

Imbuga zahagaritswe ni izi:

– Bobi Wine 2021,

-JB Muwunge 2,

-Ekyooto TV,

-KK TV,

-Map Mediya TV,

-Uganda Empya,

-Busesa Media Updates,

-Ghetto TV,

-Uganda News Updates,

-Uganda Yaffe,

-Tranding Channel UG,

-Lumbuye Fred,

-TMO Online,

-Namungo TV.