Ku kazuba k’agasusuruko mu gitondo cyo ku wa Gatandatu tariki 16, Ukwakira, 2021 abagabo n’abagore bakunda umukino wa Golf bahuriye ahubatswe ikibuga cyawo kigezweho mu Karere ka Rwamagana barawukina. Ni umuhango wo gutangiza irushanwa ry’uyu mukino ribaye ku nshuro ya kabiri.
Uyu munsi wahuriranye n’uko mu Rwanda hose habereye amatora y’abagize inzego z’ibanze ku rwego rw’isibo.
Abanyamakuru ba Taarifa bari i Rwamagana kugira ngo bakurikirane uko iri rushanwa riri kugenda.
Abasomyi bacu baragezwaho uko byagenze mu mafato, haba ku rubuga rw’Ikinyarwanda no ku rubuga rw’Icyongereza bya Taarifa.rw.
Igikorwa cyo gutangiza ririya rushanwa ryabereye ku kibuga kitwa Falcon Golf and Country Club kandi abayitabiriye bari gukurikiza amabwiriza yose yo kwirinda COVID-19.
Hari abakorera bushake bo muri Youth Volunteers bari gusuzuma niba amabwiriza yose akurikizwa.
Buri wese wabyitabiriye agomba kwirekana ko yakingiwe COVID-19.
Ni irushanwa ryateguwe n’ikigo kitwa Golf & More LTD.
Icyari kigamijwe ni ukuzamura ubukerarugendo bukozwe mu rwego rwa siporo muri gahunda tya VISIT RWANDA na TemberURwanda.
Abitabira iri rushanwa bagira uruhare mu kuzamura buriya bukerarugendo, bukinjiriza igihugu amafaranga azagifasha mu iterambere ridaheza .
Amafoto y’uko byifashe:
