Emmanuel Abayisenga uba mu Bufaransa yishyikirije inzego z’umutekano, yemera ko yishe umupadiri wari umucumbikiye muri komini Saint-Laurent-sur-Sèvre, ni mu gace ka Vendée mu burengerazuba bw’u Bufaransa.
Muri Nyakanga 2020 Abayisenga yatawe muri yombi akekwaho gutwika Cathédrale Saint-Pierre-et-Saint-Paul y’i Nantes, aza kurekurwa by’agateganyo.
Yaje kwakirwa na Padiri Olivier Maire w’imyaka 60 mu muryango w’abihayimana uzwi nka ‘communauté des montfortains de Saint-Laurent-sur-Sèvre’, guhera mu mwaka ushize. Ni we bikekwa ko yishe.
AFP yatangaje ko uwagize uruhare mu kwica Padiri atahise agaragara, biza gukekwa ko ari uwo munyarwanda w’imyaka 40 ndetse aza kubyiyemerera.
Icyo kinyamakuru cyatangaje ko “mu gitondo yishyikirije abajandarume muri komini Mortagne-sur-Sèvre yemera ko yishe uwihayimana.” Iyo komini nayo iri muri Vendée.
Minisitiri w’Umutekano Gérald Darmanin, yatangaje ko agiye kwerekeza mu gace ka Vendée aho byabereye.
Abayisenga yageze mu Bufaransa 2012 avuga ko ari impunzi. Ntabwo ariko hatangajwe urwego rw’ubuhunzi arimo.
Icyo gikorwa cyazamuye umwuka mubi mu gihugu, umunyapolitiki Marine Le Pen aza kwibaza ukuntu umunyamahanga yatwitse Cathédrale ntiyirukanwe mu gihugu, kugeza ubwo anica umupadiri.
En France, on peut donc être clandestin, incendier la cathédrale de #Nantes, ne jamais être expulsé, et récidiver en assassinant un prêtre.
Ce qui se passe dans notre pays est d’une gravité sans précédent : c’est la faillite complète de l’Etat et de @GDarmanin. MLP #Vendée https://t.co/RDYXzEKLKl
— Marine Le Pen (@MLP_officiel) August 9, 2021
Minisitiri Gérald Darmanin yaje kuvuga ko atari uko bitashobokaga ko yirukanwa mu Bufaransa, ariko ntibyahise bikorwa mu gihe ibyo akurikiranyweho n’ubutabera byari bitarashyirwaho akadomo.
Quelle indignité ! Plutôt que de dire sa compassion aux catholiques qui ont accueilli ce meurtrier, madame le Pen polémique sans connaître les faits : cet étranger n’était pas expulsable malgré son arrêté d’expulsion tant que son contrôle judiciaire n’était pas levé. https://t.co/eZh3r4OdJr
— Gérald DARMANIN (@GDarmanin) August 9, 2021
