Mu gace ka Rutshuru ahaherutse kwicirwa Ambasaderi Luca Attanasio, kuri uyu wa Kabiri hiciwe Umugenzuzi w’Ingabo za FARDC muri kariya gace witwa Major Williams Mulahya. Undi wakomeretse ni Col Lumbu usanzwe uyobora Brigade ya 341.
Major Williams Mulahya yiciwe mu gico yatezwe n’umwe mu basirikare ba FARDC(Forces Armées de la République Democratique du Congo).
Umunyamakuru wa Kivutimes.com witwa Baraka Munyamfura Heritier yanditse ko umusirikare wabikoze nawe yahise araswa arapfa.
Agace ka Rutshuru niko gaherutse kwicirwamo uwahoze ari Ambasaderi w’ u Butaliyani muri DRC witwa Luca Attanasio.
