Taarifa
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Reading: Vivo Energy Rwanda Yaguze Ibikorwa Bya ENES Na GEMECA
Font ResizerAa
TaarifaTaarifa
  • English VesrsionEnglish VesrsionEnglish Vesrsion
Search
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Have an existing account? Sign In
Follow US
© 2022 Foxiz News Network. Ruby Design Company. All Rights Reserved.
Ubukungu

Vivo Energy Rwanda Yaguze Ibikorwa Bya ENES Na GEMECA

Umwanditsi wa Taarifa
Last updated: 26 March 2021 9:25 am
Umwanditsi wa Taarifa
Share
SHARE

Mu rwego rwo gushimangira ibikorwa byayo ku isoko ry’u Rwanda, Ikigo kitwa Vivo Energy Rwanda cyaguze ibikorwa by’ubucuruzi by’ibigo bibiri bicuruza ibikomoka kuri Petelori ari byo Energy Solution (ENES) na GEMECA.

Ubuyobozi bwa biriya bigo buvuga ko kugura ibikorwa babyo bizafasha ikigo Vivo Energy Rwanda kuzamura umusaruro.

Vivo Energy Rwanda izongera ubushobozi mu mikorere yayo kandi igeze hirya no hino ibigega 13 bitanga ibikomoka kuri petelori ( Stations d’essence).

Ikindi ni uko  hari ibigega bya essence bizubakwa hirya no hino mu Rwanda mu mezi 12 ari imbere.

Umuyobozi mukuru wungirije wa Vivo Energy Rwanda Bwana  Hans Paulsen avuga ko  intego yabo ari ukongera imitangire myiza ya serivisi zo guha abantu ibikomoka kuri Petelori.

Umwaka ushize ikigo Vivo Energy Rwanda cyibanze mu kuzamura isura yacyo mu maso y’abakiliya no kububakamo ikizere  kugira ngo bitegure guhabwa serivisi zizira amakemwa.

Paulsen yagize ati: “ Twishimiye guha abakiliya serivisi nshya kandi tukazigeza henshi mu Rwanda.”

Paulsen yavuze ko kugira ngo bagure imigabane ya biriya bigo babitewe n’uko ari ibigo bikora neza kandi bifite abakozi b’intangarugero.

Avuga ko bitegereje basanga umurongo w’imikorere wa biriya bigo uhura neza n’uwo basanzwe bafite.

Yishimiye ko umukoresha we, ari nawe muyobozi mukuri wa Vivo Energy Rwanda, Bwana Saibou Coulibaly  n’itsinda ayoboye ari abantu biyemeje gukorana umwete mu guteza imbere urwego rwa serivisi mu gutanga ibikomoka kuri petelori.

Umuyobozi wungurije muri Kigo cy’igihugu cy’iterambere, RDB, Bwana Zephanie Niyonkuru yari yatumiwe ngo arebe uko ihererekanya ry’amasezerano hagati ya biriya bigo rigenda.

Yavuze ko umusanzu wa Vivo Energy Rwanda uzagira uruhare rukomeye mu iterambere ry’ubukungu bw’u Rwanda.

Kuri we, u Rwanda ni ahantu heza ho gukorera ubucuruzi nka buriya kandi ngo ubucuruzi nka buriya buzarushaho kuba bwiza kubera ko mu Rwanda kandi hatangijwe ikigo cy’imari n’imigabane kizafasha mu gutuma abantu bagira imigabane mu bigo byinshi na kiriya kirimo.

Urundi ruhande rwagize uruhare mu ihererekanywa ry’amasezerano  hagati ya Vivo Energy Rwanda na biriya bigo ni Banki ya Kigali yari ihagarariwe n’Umuyobozi mukuru wayo Madamu Dr Diane Karusisi.

Dr. Diane Karusisi yabwiye Taarifa ko Banki ayoboye yishimiye kuzakorana na kiriya kigo kuko cyagaragaje ko gifite imikorere myiza kandi akemeza ko BK izababa hafi.

Vivo Energy Rwanda kandi izashyira kuri za stations zayo za petelori ahantu moto zikoresha amashanyarazi zizajya zongerera umuriro mu byuma byazo.

Ibi bizakorwa ku bufatanye n’ikigo Victoria Motors.

Karusisi Diane Umuyobozi wa BK yari ari mu bayoboye uriya muhango
Vivo Energy Rwanda izakora serivisi zitandukanye kandi neza
TAGGED:featuredRwanda
Share This Article
Facebook Twitter Whatsapp Whatsapp Telegram Threads
Previous Article Gukura Ubwato Aho Bwaheze Mu Muhora Wa Suez Biracyari Ingorabahizi
Next Article U Rwanda Rugiye Gutangiza Uruganda Rukora Ibirahuri
Tanga igitekerezo

Leave a Reply Cancel reply

Your email address will not be published. Required fields are marked *

- Advertisement -

Aheruka

Ingabo Z’u Rwanda Zasinyanye N’Iz’Ubushinwa Amasezerano Y’Ubufatanye

Rihanna Agiye Kubona Icyo Yari Yarabuze

Ubukungu Bw’u Rwanda Bwazamutseho 7.8%-MINECOFIN

Uburundi: Umunyarwanda Yafunganywe N’Umu Youtuber

Dushora Mu Gusukura Ikirere Cyacu- Minisitiri Arakwiye

- Advertisement -
Ad imageAd image
- Advertisement -

Trending News

Akamaro K’Amashanyarazi Akomoka Ku Mirasire Y’Izuba Ni Ntagereranywa

Ikipe y’Igihugu Y’Ingimbi Ya Volleyball Yitabiriye Igikombe Cya Afurika

Qatar Irashaka Kurega Netanyahu 

Ibya Ariel Wayz Byajemo Gishegesha

Gen Gatama Yoherejwe Kuyobora Inzego Z’u Rwanda Z’Umutekano Muri Mozambique

You Might Also Like

Imibereho Y'AbaturageMu RwandaUbukungu

Imiterere Y’Ubucuruzi Bw’u Rwanda N’Amahanga Muri 2025

Yandtswe na Umwanditsi wa Taarifa
Imibereho Y'AbaturageMu Rwanda

Drone Y’Ingabo Z’u Rwanda Yakoze Impanuka 

Yandtswe na Umwanditsi wa Taarifa
Mu RwandaUbukungu

Mu Rwanda Hamaze Kubakwa Ibiraro 300 Byo Mu Kirere

Yandtswe na Umwanditsi wa Taarifa
Mu mahangaUmutekano

Ingabo Za Israel Zatangije Ibitero Byo Ku Butaka Byo Gusenya Gaza Yose

Yandtswe na Umwanditsi wa Taarifa

Taarifa is a Rwandan News Platform telling true stories by delivery quick, in-depth and exclusive news on Social, Political, and Economic issues.

  • +250788316164
  • +25078457033
  • info@taarifa.rw
  • taarifarwanda@gmail.com
Facebook Twitter Youtube Instagram Flickr Tiktok

Mu Rwanda

  • Politiki
  • CHOGM-2022
  • Umutekano
  • Ubukungu

Mu Mahana

  • Mu Mahanga

Mu Mahana

  • Imikino
  • Imyidagaduro

Indimi

English

Francais

© 2015-2023 Copyright Taarifa.rw | All rights reserved.

  • Advertise
  • About Us
  • Contact
  • Privacy Policy
  • Terms & Conditions
Go to mobile version
Welcome Back!

Sign in to your account

Lost your password?