Keddy Nsanzimfura waru warahamagawe ngo afatanye n’abandi kwitegura umukino Amavubi afitanye Liberia wo gushaka itike y’igikombe cya Afurika ntiyahamagawe.
Umutoza Stephen Constantine yirinze kubivugaho, asiga abanyamakuru mu gihirahiro.
Nsanzimfura- wifatanyije n’abandi mu mwiherero w’ikipe y’igihugu- avugwaho ko umubiri we n’ubwonko bitari ku rwego rwiza rwo gukina, ikaba ari iyi mpamvu yateye umutoa kutamuhamagara n’ubwo we atabitangaje.
Yasimbujwe Iradukunda Elie tatou wari mu mwiherero y’ikipe y’igihugu yabaterengeje imyaka 23 ariko akaba yarashyizwe mu ikipe nkuru kugira ngo afatanye n’abandi umukino wa Liberia uzahira Amavubi na Lone Stars yo muri iki gihugu.
Keddy Nsanzimfura asanzwe akinira Kiyovu Sports akaba akina hagati nka nimero umunani, akaba umwe mu bakinnyi bazi gutera neza coup francs.
Amateka mato ya Nsanzimfura mu mupira w’amaguru:
Keddy Nsanzimfura yavutse ku wa 1 Kanama(8) 2003, i Kigali.
Akina hagati mu kibuga, cyane cyane mu kubaka no guhuza umukino, akagira uburebure bwa hafi m 1.67.
Yakuriye mu makipe y’abato ya Kiyovu Sports, nyuma aza kuzamuka mu ikipe nkuru.
Yatangiye kumenyekana cyane mu marushanwa y’abatarengeje imyaka 17 (U-17) ya CECAFA yabereye muri Tanzania mu 2018.
Mu mwaka wa 2020 yerekeje muri APR FC, aho yagaragaye nk’umwe mu bakinnyi bato bari bafite impano, icyo gihe yari afite imyaka 17 gusa.
Nyuma yo kuva muri APR FC, yakiniye Marines FC, ndetse hari igihe yari umukinnyi wa APR FC watijwe muri Marines.
M mwaka wa 2023, yerekeje mu Misiri gukinira Al-Qanah FC yo mu cyiciro cya kabiri, ariko ntiyabonye umwanya uhagije wo gukina, agaruka mu Rwanda.
Yagarutse muri Kiyovu, ariko mu mwaka wa 2024 ntiyayikinira kubera ibihano FIFA yari yarafatiye iyi kipe.
Muri Kamena(8) 2026, Kiyovu yatangaje ko yamwongereye amasezerano y’imyaka ibiri.
Umukino we wa mbere ku rwego rwa FIFA wabaye ku wa 15 Ugushyingo(11) 2021, ubwo u Rwanda rwakinaga na Kenya mu gushaka itike y’Igikombe cy’Isi cya 2022.
Yinjiye mu kibuga akina iminota 24 muri uwo mukino warangiye Kenya itsinze u Rwanda 2-1.
Keddy yamenyekanye cyane nk’umukinnyi ukiri muto ufite ubushobozi bwo gukina hagati mu kibuga, gutanga imipira igana kuri ba rutahizamu no gutera imipira iteretse.
Kiyovu Sports imufata nk’umwe mu bakinnyi bayo bakiri bato bafite uruhare runini muri iyi kipe iri muzimaze igihe muri shampiyona y’u Rwanda.
Claver TUYISHIME Jean d’Amour
TAARIFA.RW
