Menu
Indimi

Mu mahanga

Abafaransa Bakoze Imyigaragambyo Ikomeye Bamagana Itegeko Rikumira Abatarikingije COVID-19

Yanditswe kuwa

Abantu barenga 100,000 bakoze imyigaragambyo mu Bufaransa bamagana gahunda ya leta yo kubangamira abantu batakingiwe COVID-19, nyuma y’iminsi mike ikomojweho na Perezida Emmanuel Macron ko izashyirwa mu bikorwa kugeza bemeye urukingo.

Ni umubare wikubye inshuro enye z’abitabiriye imyigaragambyo yo ku wa 18 Ukuboza, ubwo yitabirwaga n’abantu 25,500.

Iyo myigaragambyo yamagana itegeko rikomeje kunozwa, rizaba ritegeka abantu kubanza kugaragaza ko bakingiwe COVID-19 mu buryo bwuzuye mbere yo kwemererwa kujya kurira muri za resitora, kujya mu ngendo zihuza imijyi cyangwa kwitabira ibikorwa ndangamuco.

Ku wa Kane uwo mushinga w’itegeko watowe n’umutwe w’abadepite.

Biteganywa ko rizatangira kibahirizwa ku wa 15 Mutarama 2022, nubwo umutwe wa Sena ushobora gutinza iyo tariki nuba utararitora nk’itegeko.

Minisiteri y’Umutekano yatangaje ko kuri uyu wa Gatandatu abantu 105,200 bitabiriye imyigaragambyo, harimo abantu 18,000 mu murwa mukuru Paris. Yaje no kubamo ubugizi bwa nabi bwasize abantu 10 batawe muri yombi, abapolisi bamwe baranakomereka.

Mu bindi bice hatawe muri yombi abantu 24, abapolisi benshi barakomereka nk’uko minisiteri y’umutekano yabitangaje.

Ubwandu bushya bwa COVID-19 mu Bufaransa bukomeje kuzamuka cyane, ku buryo kuri uyu wa Gatandatu habonetse abanduye 303,669.

Ni ibintu bikomeje gushyira igitutu ku nzego z’ubuzima, nyamara abigaragambya biganjemo abatambaye n’udupfukamunwa bavuga ko bakeneye kubwizwa ukuri kuri iki cyorezo, ndetse ko badakeneye amabwiriza akumira abantu batikingije.

Abigaragambya bavuga ko bakeneye kumenya “ukuri”

Tanga igitekerezo

Tanga igitekerezo

Your email address will not be published. Required fields are marked *

Advertisement

English Version

Advertisement
WeCreativez WhatsApp Support
Mutwandikire turabasubiza
Twandikire