Umugaba w’ingabo za Repubulika ya Demukarasi ya Congo, Gen Christian Tshiwewe yakoresheje inama n’abasirikare bakuru abanenga ko hari bamwe muri bo bamenera umwanzi amabanga.
Mu ijambo rigaragara muri video tutaramenya igihe yafatiwe ariko bigaragara ko yafatiwe i Kinshasa, Gen Tshiwewe yabwiye abasirikare bakuru ko abagambanyi bari hose mu ngabo.
Ati: “ Abagambanyi bari mu nzego zose… Imigambi yose twigiye mu nama za gisirikare irara igeze ku mwanzi…Ibi ntabwo ari byo…”
Mu ijambo rigufi yabwiye abari aho, Gen Christian Tshiwewe yavuze ko bibabaje kuba abantu barahiye ko bazarinda igihugu ari bo bakigambanira.
Icyakora yavuze ko n’ubwo ari uko bimeze, Imana yonyine ari yo izaruca.
Iri jambo rigaragaramo umujinya, rivuzwe nyuma y’igihe gito imirwano yubuye hagati ya M23 n’indi mitwe bivugwa ko ishyigikiwe n’ubutegetsi bwa Repubulika ya Demukarasi ya Congo harimo na Mai Mai.
#RDC: “Trop de traîtres à tous les niveaux” au sein des FARDC, dénonce Christian Tshiwewe révolté contre le fait que, les différentes planifications de l’armée sont transférées ailleurs pic.twitter.com/kn1tE5iHdY
— Stanis Bujakera Tshiamala (@StanysBujakera) June 16, 2023
