Menu
Indimi
Advert

Mu mahanga

Abakozi Ba Leta Muri Zimbabwe Bahawe Ihurizo Rikomeye

Yanditswe kuwa

Guverinoma ya Zimbabwe yatangaje ko umukozi wayo utazikingiza atazagaruka  ku kazi. Iki cyemezo kigamije kongera umubare w’abaturage bikingije kiriya cyorezo COVID-19.

Ikigo cya Zimbabwe gishinzwe  kwita ku baturage kivuga ko abakozi bose ba Leta batazikingiza bazahura n’ingorane zo gutakaza akazi.

Itangazo ryabonywe na Associated Press rigira riti: ‘ Abakozi bose bagomba gukingirwa COVID-19 kandi abadakingiye ntibazirirwe bagaruka ku kazi.”

Cya kigo cya Leta ariko ntigitangaza ibyemezo bizafatirwa mu buryo burambye abakozi batazikingiza.

Minisitiri ushinzwe itangazamakuru muri Zimbabwe witwa Monica Mutsvangwa washyize umukono kuri ririya tangazo ntiyigeze atangaza igihe kiriya cyemezo kizarangirira.

Monica Mutsvangwa

Abakozi ba Leta muri Zimbabwe ni 500 000.

Ikigo Nyafurika gishinzwe kurwanya ibyorezo kitwa Africa Center for Disease Control and Prevention kivuga ko Zimbabwe iri mu bihugu by’Afurika bifite abaturage benshi bakingiwe kuko kimaze gukingira abangana na 12% ku baturage miliyoni 15 bagituye.

Muri Afurika abantu bamaze gukingirwa bose bangana na 3%.

Ibitse inkingo miliyoni 11 ziganjemo izo mu bwoko bwa Sinopharm na Sinovac zakorewe mu Bushinwa.

Iri mu bihugu bicye by’Afurika byatangiye gukingira abana bafite hagati y’imyaka 14 na 17 y’amavuko.

Ku Isi u Bushinwa nibwo bwarangije gukingira abantu benshi kuko bumaze gukingira 70% by’abaturage bakuru bashobora gutora.

N’ubwo ari uko bimeze ariko, Israel nicyo gihugu cya mbere cyakingiye benshi mbere y’ibindi ariko kiza guhura n’ikibazo cy’uko ba mukerarugendo bacyo batembereye mu bindi bihugu baracyandura nyuma batahukana ubwandu, bongera kwanduza bagenzi babo.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here