Minisiteri y’Ubuzima yatangaje ko kuri uyu wa Gatanu abamaze gusangwamo COVID-19 mu Rwanda bageze ku 25.116, nyuma y’uko abantu 121 bari bamaze gusangwamo virus itera iyo ndwara.
Uyu mubare w’ubwandu bushya wabonetse mu bipimo 4868 byasuzumwe, bituma ibipimo byose hamwe bimaze gufatwa biba 1.313.490.
Benshi mu basanzwemo uburwayi kuri uyu wa Gatanu ni abo mu turere twa Gicumbi (29), Karongi (25), Ngoma (17) na Nyamagabe (10).
Mu bamaze gusangwamo ubwandu bose hamwe, abarenga 92.8 ku ijana barakize, ku buryo abakirwaye ari 1547.
Kugeza ubu abarembye ni batatu, mu gihe abamaze kwitaba Imana ari 335.
Kuri uyu wa Gatanu hapfuye babiri barimo umugabo w’imyaka 83 w’i Huye n’umugabo w’imyaka 60 w’i Kigali.
