Ububanyi n'Amahanga
Abaturage Ba Misiri Baremeye Ab’ U Burundi
Nyuma y’uruzinduko Perezida w’u Burundi Evariste Ndayishimiye aherutse kugirira mu Misiri akaganira na mugenzi Abdel Fattah Al-Sisi, Misiri yoherereje u Burundi ibiribwa mu rwego rwo kubufasha guhangana n’imirire nkene.
Indege nini yageze i Bujumbura izanye amata n’ibindi biribwa bifasha mu kubaka ibirinda umubiri.
Hashize iminsi itanu Perezida Ndayishimiye aganiriye na Abdel Fattah Sisi bimeranya ubufatanye muri byinshi.
Bemeranyije ku bufatanye mu burezi, mu bukerarugendo, umuco n’itumanaho.
Ikindi bemeranyijeho ni ubufatanye mu guteza imbere ubucuruzi n’imikoreshereze y’amazi y’Ikiyaga cya Tanganyika.
