Minisitiri w’Ingabo w’u Bwongereza Ben Wallace n’abayobozi bakuru batandatu b’ingabo basabwe kujya mu kato k’iminsi 10 iwabo mu ngo, nyuma yo guhura n’Umugaba Mukuru w’Ingabo bikaza kugaragara ko yanduye COVID-19.

Ni inama yabaye ku wa Kane, maze ku wa Gatanu General Sir Nick Carter asangwamo COVID-19. Inama yabereye muri Defence Academy muri Oxfordshire.

Muri iyo nama ngo bubahirije amabwiriza yo kwirinda, ariko basabwa kujya mu kato kubera ko bahuye n’umuntu wanduye COVID-19, nk’uko Minisiteri y’Ingabo mu Bwongereza yabitangaje.

Iyo nama yari yanitabiriwe n’abagaba b’ingabo zirwanira mu mazi (Royal Navy), ingabo zirwanira mu kirere na Strategic Command.

YabaWallace, General Sir Mark Carleton-Smith, Admiral Sir Tim Fraser, First Sea Lord Admiral Sir Tony Radakin, Air Chief Marshal Sir Mike Wigston na General Sir Patrick Sanders, imirimo ya gisirikare bazaba bayikorera mu ngo mu minsi icumi.