Menu
Indimi
Advert

Icyorezo COVID-19

Amerika Yahaye U Rwanda Izindi Nkingo Zisaga 750,000 Za Pfizer

Yanditswe kuwa

Ambasade ya Leta zunze ubumwe za Amerika mu Rwanda yemeje ko mu mpera z’iki cyumweru ruzakira inkingo 751,140 za COVID-19 zo mu bwoko bwa Pfizer, zatanzwe nk’impano.

Ni icyiciro cya kabiri cy’nkingo Amerika izaba ihaye u Rwanda, ku buryo zose hamwe zizahita ziba inkingo 1,239,830.

Mu kwezi gushize icyo gihugu cyahaye u Rwanda inkingo 488,370 za Pfizer, zirimo 188,730 zigize igice cy’inkingo Amerika yemereye mu nama ya G-7 ko izagurira ibihugu bitandukanye, n’izindi 300,000 zavuye ku nkingo icyo gihugu gifite, cyiyemeje gusaranganya ibihugu bizikeneye cyane.

Ambasaderi wa Amerika mu Rwanda Peter H. Vrooman, yavuze ko igihugu cye “kirimo gusaranganya izi nkingo za COVID-19 mu gutabara ubuzima no kurangaza isi imbere mu gushyira iherezo kuri iki cyorezo.”

Yavuze ko Perezida Joe Biden yiyemeje ko imbaraga zakoreshejwe mu guhangana n’icyorezo imbere mu gihugu zigiye no gushyirwa ku rwego mpuzamahanga.

Muri Kamena Biden yatangaje ko Amerika ifite ubushake bwo kugura inkingo zigera muri miliyoni 500 za Pfizer zizagenerwa ibihugu bigera mu 100, mu kubyunganira mu guhangana na COVID-19 binyuze muri gahunda y’ikingira.

Ku wa 22 Nzeri yatangaje igurwa ry’izindi nkingo miliyoni 500 za Pfizer, ku buryo igihugu cye kizaba kimaze gutanga inkingo miliyari 1.1 bitarenze umwaka wa 2022.

Iyi ni inkunga ikomeye u Rwanda rubonye, nyuma y’uko rumaze gukingira abantu miliyoni 1.6 bakingiwe byuzuye na miliyoni 2.1 bahawe urukingo rwa mbere.

Izi nkingo za Amerika ubwazo zishobora gukingira byuzuye abantu 375,570, kuko inkingo za Pfizer zisaba ko umuntu ahabwa ebyiri.

Amerika Yahaye u Rwanda Inkingo Ibihumbi 490 Za Pfizer

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here