Amatora yo kuzuza imyanya itari ifite abayobozi mu Turere twa Burera na Karongi yarangiye Soline Mukamana ari we utorewe kuyobora Burera n’aho Valentine Mukase atorerwa kuyobora Karongi.
Madamu Vestine Mukandayisenga niwe watorewe kuyobora Akarere ka Gakenke.
Mupenzi Narcisse ni we kandi watorewe kuyobora Akarere ka Nyamasheke ku bwiganze bw’amajwi 275.
Yari asanzwe akora muri Minisiteri y’Ubutabera.
Hagati aho Kagabo Richards Rwamunono niwe watorewe kuba Umuyobozi w’Akarere ka Rwamagana wungirije ushinzwe iterambere ry’ubukungu, akaba asimbuye Mukabihogo weguye mu minsi yashize kubera kuvugwa mu idosiye yo gusondeka umudugudu wo kwa Dubai.
Ubu Komite Nyobozi y’Akarere igizwe na Bwana Mbonyumuvunyi Radjab, Bwana Kagabo Richards Rwamunono na Mme Umutoni Jeanne.
Ubwo twandikaga iyi nkuru amatora mu Karere ka Musanze yari agikomeje mu gihe mu Karere ka Rutsiro n’aho amatora y’Abajyanama rusange yari agikomeje.
