Menu
Indimi
Advert

Mu mahanga

Blaise Compaoré Agiye Gukurikiranwaho Urupfu Rwa Thomas Sankara

Yanditswe kuwa

Urukiko rwa Gisirikare muri Burkina Faso rwemeje ko Blaise Compaoré wahoze ayobora icyo guhugu atangira gukurikiranwa ku ruhare yaba yaragize mu rupfu rwa Thomas Sankara, wishwe mu myaka 34 ishize.

Urukiko rwemeje ko Compaoré uri mu buhungiro muri Côte d’Ivoire guhera ubwo yavaga ku butegetsi mu 2014, agomba gukurikiranwaho ibyaha birimo kubangamira umutekano w’igihugu, kugira uruhare mu bwicanyi no guhishira imirambo mu kirego kijyanye n’urupfu rwa Thomas Sankara.

Sankara yishwe ku myaka 37 mu ihirikwa ry’ubutegetsi ryo ku wa 15 Ukwakira 1987, ryicaje ku ntebe mucuti we Blaise Compaoré. Mu myaka 27 yategetse nyuma yaho, kuvuga ku rupfu rwa Sankara byafatwaga nk’ikizira.

Guhera mu 2016 ibintu byarahindutse, atangira gukurikiranwa hamwe na General Diendéré wari umuntu we wa hafi.

Muri urwo rubanza abantu 14 nibo bagomba kugezwa imbere y’urukiko.

Hari amakuru ko bigoye ko Compaoré yakoherezwa muri Burkina Faso ngo aburanishwe, kuko yamaze kubona ubwenegihugu bwa Côte d’Ivoire kubera umugore we ari ho akomoka.

Compaoré (ubanza ibumoso) yari umuntu wa hafi wa Sankara (hagati)

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement