Menu
Indimi
Advert

Imikino

Cristian Rodriguez Yegukanye Tour Du Rwanda 2021 (Amafoto)

Yanditswe kuwa

Rodriguez Martin Cristian ukinira Total Direct Energie yegukanye Tour du Rwanda 2021, yari irimo kuba ku nshuro ya 13. Ni irushanwa rimaze icyumweru rizenguruka ibice bitandukanye by’u Rwanda.

Uyu musore ukomoka muri Espagne yageze ku munsi wa nyuma ari we wambaye umwenda w’umuhondo, abasha kuwugumana ubwo yegukanaga agace ka munani k’irushanwa. Abakinnyi bahagurukiye ku i Rebero kuri Canal Olympia ari naho basoreje, basiganwa intera ya kilometero 75.3.

Rodriguez yegukanye iri rushanwa muri rusange akoresheje 22h49’51’’, mu ntera ya kilometero 913.3 abakinnyi banyonzemo igare mu cyumweru cyose.

Yarushije Piccoli James ukinira Israel Start Up Nation amasegonda 17. Ku mwanya wa gatatu haje Umunyamerika Hoehn Alex ukinira Wildlife Generation wakoresheje 22h50’42’’.

Ni mu gihe Umufaransa Boileau Alan ukinira B&B Hotels wanegukanye uduce dutatu muri iri rushanwa, ku rutonde rusange yaje ku mwanya wa kane, aho yakoresheje 22h50’42’’.

Umunyarwanda waje hafi ni Manizabayo Eric waje ku mwanya wa 18, akiniria Benediction Ignite. Yakoresheje 23h05’43’’, bivuze ko Cristian wabaye uwa mbere amurusha 15’52’’.

Irushanwa ry’uyu mwaka ryabanje kwimurwa kuko ryagombaga kuba muri Gashyantare 2021, ariko riza kwimurirwa muri Gicurasi.

Risojwe nta munyarwanda ubashije kwegukana agace nibura kamwe, ku munsi w’irushanwa.

Agace abakinnyi basiganweho kuri iki Cyumweru
Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement