Ububiko bw’ikigo kitwa Centrale de Distribution des Médicaments de Kisangani (CAMEKIS) buherutse gushya bwose imiti yari iburimo ifite agaciro ka miliyoni $1 iratokombera.
Iyi nkongi yabaye ku Cyumweru taliki 04, Kanama, 2024 mu ijoro rishyira uwa Gatanu nk’uko Dr. Aimé Eyane uyobora ubwo bubiko yabyemeje.
Kizimyamwoto yahageze mu gitondo saa kumi n’ebyiri isanga nta muti n’umwe ukiri muzima, yose yahiye.
Iyi miti yari iyo kurwanya igituntu, SIDA, malaria na COVID-19.
Ikindi ni uko ubwo abaturage babonaga iby’uwo muriro bahise batangira gusahura bimwe mu bikoresho by’aho bitari byafashwe n’umuriro.
Ububiko bwahiye bwari bufite ubushobozi bwo guha imiti abatuye mu bice 23 bigize Intara ya Tshopo ndetse no mu bice bike by’Intara ya Maniema.
Radio Okapi ivuga ko intandaro y’iyi nkongi itaramenyekana.
