Umusirikare muto yarashe umuyobora mu gisirikare ufite ipeti rya captaine amurasa amasasu menshi amuziza ko ngo yanyerezaga umushahara we.
Uvugwaho kwica umukuriye avuga ko amaze umwaka n’amezi ane adahembwa bityo asanga nta kindi yakora atari ukwivugana uwo musirikare wari ushinzwe gucunga imari y’abasirikare barwanira mu mazi.
Amazina y’uwarashe ni Banza Ilunga naho uwishwe ni Capitaine Albert Bosina wari ukuriye imari mu mutwe wa gisirikare wa 33 w’abarwanira mu mazi.
Kurasa uriya musirikare byabereye mu Mujyi wa Goma kuri uyu wa Gatatu taliki 21, Kanama, 2024, mu masaha ashyira igicamunsi.
Uwakoze ubwo bwicanyi yahise ajya kwirega mu bamukuriye.
Amakuru avuga ko uriya musirikare yarashe mugenzi we amasasu 17.
Umujyi wa Goma umaze iminsi urangwamo umutekano urugomo rukorwa na bamwe mu basirikare, abapolisi na Wazalendo bakoresha intwaro basahura cyangwa bihimura ku babahemukiye cyangwa ababambuye.
