Banki ya Kigali yatangarije ku rukuta rwayo rwa X ko inyomoza ibiherutse gutangazwa by’uko Dr. Diane Karusisi uyobora iyi Banki ko agiye gukurikiranwa na Banki nkuru kubera ibyo aherutse gutangariza mu itangazamakuru.
Iyi Banki itangaza ko ibiri muri iyo nkuru bidakwiye guhabwa agaciro kuko uretse kuba babeshyera yaba Diane Karusisi na Banki nkuru y’u Rwanda, banabeshyera ikinyamakuru The New Times.
Iyo nyandiko abo bantu bayishyize ku ipaji bigaragara ko ari iy’iki kinyamakuru gisanzwe cyandikwamu Cyongereza kandi yo iri mu Gifaransa.
BK yanditse kuri X iti: “ Twaje kubona inyandiko irimo ibinyoma byibasira The New Times bigaruka ku bantu bakomeye mu Rwanda harimo n’abayobozi ba Banki ya Kigali. Turasaba abakiliya bacu n’Abanyarwanda muri rusange kudaha agaciro ibiyivugwamo. Turasaba kandi kujya bashishoza, bakamenya amakuru mu by’ukuri yaturutse ahantu hizewe”.
🚨 Important Notice from Bank of Kigali🚨
We have identified a fake article spreading false information using the brand of @NewTimesRwanda targeting prominent figures in Rwanda, including Bank of Kigali executives. We urge our clients and the general public to be vigilant and… pic.twitter.com/KTmTtHIZZE
— Bank of Kigali Official (@BankofKigali) August 21, 2024
