Hari amakuru atangazwa n’ibinyamakuru byo muri Aziya avuga ko muri Israel hadutse indwara yitwa Florona iyi ikaba ifite ibimenyetso nk’ibya COVID-19 ariko ikiyongeraho ibicurane bikomeye bita Influenza.
Ikinyamakuru Yedioth Ahronoth cyandikitwa i Tel Aviv nacyo cyabyemeje kivuga ko umurwayi wagaragayeho buriya bwandu ari umugore utari warikingije COVID-19
India.com yanditse ko Abanya Israel b’i Yeruzalemu ari bo babaye uba mbere bagaragayeho buriya burwayi.
Ibi biravugwa muri Israel mu gihe iki gihugu kiri guha abaturage bacyo urukingo rwa kane nk’uko Umuyobozi muri Minisiteri y’ubuzima ya Israel witwa Nachman Ash aherutse kubitangaza.
Kimwe mu bigo ntaramakuru bikorera muri Aziya kitwa ANI, kivuga ko muri iki gihe Israel ifite abarwayi 22,000 ba COVID-19, muri bo 99 bari guhabwa umwuka mu bitaro byo hirya no hino muri Israel.
Nta makuru arambuye aramenyekana ku isano iyi ndwara ifitanye na COVID-19 ariko hari ibimenyetso bimwe birimo kugira umuriro, gucika intege n’ibindi izi ndwara zisangiye.
