Menu
Indimi
Advert

Icyorezo COVID-19

Gukingira COVID-19 Bikomereje Mu Bamotari

Yanditswe kuwa

Minisiteri y’Ubuzima ikomeje gukingira COVID-19 mu byiciro bifite ibyago byinshi byo kwandura cyangwa kuzahazwa n’icyo cyorezo, ubu hagezweho imfungwa, abagororwa n’abamotari.

Ni igikorwa cyatangiye ku wa Gatanu w’icyumweru gishize nyuma y’uko u Rwanda rwari rumaze kwakira inkingo 240.000 zo mu bwoko bwa AstraZeneca/Oxford n’izindi 102.960 za Pfizer/BioNTech, zaje kwiyongeraho inkingo 50.000 rwahawe n’u Buhinde.

Mu minsi ine ishize hamaze gukingirwa abaturarwanda 208.677.

Mu byiciro bikomeje gukingirwa, kuva kuri uyu wa Kabiri muri Gereza ya Nyarugenge hatangiye gutangwa urukingo rwa COVID-19 ku mfungwa n’abagororwa, ku ikubitiro hakingirwa abarengeje imyaka 60 n’abafite indwara zidakira.

Mu bakingirwa kandi harimo abakora umwuga wo gutwara abagenzi kuri moto, batangiye gukingirwa mu gikorwa kibera i Gikondo ahakunze kubera imurikagurisha.

Mu bahawe inkingo kandi harimo abakozi b’Ikigo cy’u Rwanda cy’indege, RwandAir, bo bakingiwe kuri uyu wa Mbere.

Leta ifite intego yo gukingira abaturarwanda 30% mbere y’uko uyu mwaka urangira na 60% mbere y’uko umwaka wa 2022 urangira.

Intego ni ugukingira miliyoni 7.8 kugeza mu mpera z’umwaka wa 2022.

Abamotari barimo gukingirwa COVID-19
Moto babaye baziparitse bajya gushaka urukingo
Muri gereza naho ibikorwa by’ikingira birakomeje
RwandAir yakingiye abakozi bayo

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement