Mu Buhinde hadutsemo indwara idasanzwe yica 50% by’abo yafashe cyangwa igakira bakuyemo umurwayi ijisho.

Bayise mucormycosis.

Igihangayikishije ni uko abo yibasira ari abakize cyangwa abakirutse COVID-19.

Abenshi kandi mubo yifata ni abasanganywe indwara ya diabetes.

Abaganga bavuga ko iriya ndwara ifata umuntu  umaze iminsi iri hagati ya 12 na 18 akirutse  COVID-19.
Leta z’u Buhinde zibasiwe ni iza Gujarat Maharashtra.

Zombi zihariye 50% by’abarwayi 9000 bamaze kubarurwa.

Imaze kubarurwa muri Leta 15 mu zindi zigize u Buhinde.

Hari izindi Leta 29 zasabwe gutangaza ko iriya ndwara ari hafi kuba gikwira ibyo bita ‘epidemic’.

Abaganga babwiye BBC dukesha iyi nkuru ko ahari hateganyijwe kwakirira abarwayi hatangiye kuzura.

Iriya ndwara ngo iterwa n’agakoko bita black fungus gakururwa n’umwanda.

Dr Akshay Nayar avuga ko abenshi mu batwayi yavuye byasabye ko bakurwamo ijisho kugira ngo badapfa.

Mu yandi magambo iyi ndwara iyo itakwishe isiga ufite ubumuga bwo kutabona.

Kuba COVID-19 yaratangiriye mu Bushinwa buturanye n’u Buhinde none iyi ndwara ikaba yadukiye mu Buhinde kandi ibi bikaba ari byo bihugu bituwe n’abantu benshi kurusha ibindi ku isi ubwabyo biteye inkeke.