Ubukungu
Indege Ya Mbere Ya RwandAir Itwara Imizigo Gusa Yageze I Kigali
Hashize igihe gito Minisitiri w’ibikorwa remezo Dr. Ernest Nsengimana atangaje ko u Rwanda rwaguze indege nini igenewe gutwara imizigo gusa. Ubu yageze i Kigali.
RwandAir yatangarije kuri Twitter ko indege u Rwanda rwaguze ari iyo mu bwoko bwa B737-800SF.
Iyi ndege yo mu bwoko bwa Boeing ishobira ibisanduku( containers) 11 bya rutura birimo ibicuruzwa.
Today, we took delivery of our first dedicated cargo aircraft, #B737-800SF as we expand our fleet.#FlyTheDreamOfAfrica #FlySafeWithUs #RwandAirCargo pic.twitter.com/2NmLQpSxXn
— RwandAir (@FlyRwandAir) November 24, 2022
Iri mu ndege zizwiho gutwara ibicuruzwa mu buryo butekanye kurusha izindi kugeza ubu.
Mu ntangiriro z’uko kwezi Minisitiri Nsengimana yari yavuze ko iriya ndege izaza kunganira izindi zari zisanzwe zitwara imizigo ariko zigatwara n’abagenzi.
Umwihariko wayo ni uko nta mugenzi uzaba uyirimo.
Iyi ndege ije gufasha abacuruza ibintu bitandukanye birimo n’ibikomoka ku buhinzi n’ubworozi kujya biva cyangwa bigezwa mu Rwanda bidahungabanye.
