Kuri X, ingabo za Israel zatangaje ko izigize Brigade ya 401 bita Givati zamaze kwinjira mu mujyi wa Rafah imbere aho ziri kurasana imbonankubone n’abarwanyi ba Hamas. Yunzemo ko iyo ntambara imaze kugwamo abarwanyi benshi ba Hamas ariko uyu mutwe wo ntacyo urabitangazaho.
Zinemeza kandi ko hari ibikorwaremezo abarwanyi b’uyu mutwe bari barubatse byasenywe n’ingabo za Israel mu mirwano iri kubera ku butaka ariko ingabo z’iki gihugu zikunganirwa n’indege z’intambara.
Hagati aho kandi ingabo z’iki gihugu zikomeje gusaba abasivili bahungiye bahungiye muri Rafah kuhava vuba na bwangu.
Ni umuburo uje nyuma gato y’uko Amerika, kuri uyu wa Gatanu itangaje ko Israel yakoresheje nabi intwaro yayihaye.
Ni ibintu Amerika yise ko bihabanye n’amasezerano mpuzamahanga agenga uko intambara zirwanywa.
Hari raporo y’Umuryango w’Abibumbye yabonywe na BBC ivuga ko guhera ku wa Mbere taliki 05, Gicurasi, 2023 hari abantu 80,000 bamaze guhunga Rafah kubera intambara Israel ishaka yahatangije n’ubwo bikiri mu ntangiriro.
Amerika iherutse kuvuga ko igiye guhagarika inkunga z’intwaro yateganyaga guha Israel mu minsi iri imbere, ikabikora mu rwego rwo kuyica intege ngo itazagera Rafah.
Ukurikije uko ibintu bimeze, usanga Israel yaramaramarije kurasa Rafah niyo yabikora yonyine ntawe uyishyigikiye.
Ubwo kandi ni ko n’umubare w’abo iyi ntambara yahitanye uri kwiyongera kuko uri hafi kugera ku bantu 35,000.
