Taarifa
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Reading: Inguzanyo u Rwanda Rufata Zishyurwa Gute?
Font ResizerAa
TaarifaTaarifa
  • English VesrsionEnglish VesrsionEnglish Vesrsion
Search
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Have an existing account? Sign In
Follow US
© 2022 Foxiz News Network. Ruby Design Company. All Rights Reserved.
Ubukungu

Inguzanyo u Rwanda Rufata Zishyurwa Gute?

Umwanditsi wa Taarifa
Last updated: 07 October 2022 4:59 pm
Umwanditsi wa Taarifa
Share
Abayobozi mu kiganiro n'abanyamakuru kuri uyu wa Gatanu
SHARE

Kuri uyu wa Gatanu taliki 07, Ukwakira, 2022 Minisiteri y’imari n’igenamigambi yasinyanye n’Ikigega mpuzamahanga cy’imari amasezerano y’inguzanyo ya Miliyoni $ 310  azafasha u Rwanda kubaka ubukungu buhangana n’imihindagurikire y’ikirere.

Ni inguzanyo izishyurwa byibura mu myaka 15 ku rwunguko ruto. U Rwanda rufite gahunda yo kuzabona kandi rugakoresha Miliyari $ 11 mu kubaka ubukungu buhangana n’ingaruka z’imihindagurikire y’ikirere kandi ni mu gihe kuko ruri mu bihugu byagezweho n’ingaruka z’imihagurikire yacyo.

Aya Miliyari $11 agomba kuba yarabonetse bitarenze umwaka wa 2030.

Hagati aho mu Cyumweru gishize, hari indi nguzanyo u Rwanda rwafashe binyuze muri Minisiteri y’ubuhinzi n’ubworozi yo kurufasha kuzamura urwego rwarwo rw’ubuhinzi.

Tugarutse ku byerekeye inguzanyo yo guhangana n’ihindagurika ry’ikirere, ni henshi mu Rwanda imvura itakigwa nk’uko byahoze, ikaba yarabay nke,  ahandi ikaba nyinshi k’uburyo yica imyaka.

Iyo imvura iguye ari nyinshi yica imyaka, igatera inkangu, imyuzure, igasenya ibikorwa remezo kandi ikaba yahitana abantu, byose bituma hari amafaranga abishorwamo kugira ngo hagire ibisanwa cyangwa ibyubakwa bitari bihari.

Ayo mafaranga ashyirwa mu kubaka cyangwa gusana ibikorwa remezo agira ingaruka ku igenamigambi no ku bindi bikorwa byari byarateguriwe imari mu gihe cyatambutse.

Taarifa yabajije niba u Rwanda rwarishyuye neza imyenda rwari rufitiye abarugurije mu bihe byabanjirije COVID-19 kugira ngo noneho rubahe n’icyizere cy’uko ruzishyura indi myenda rufata cyangwa ruzafara, Minisitiri Dr.Uzziel Ndagijimana asubiza ko nta myenda iremereye u Rwanda kubera ko rwishyura neza.

Ati: “ Mbere ya COVID-19, imyenda u Rwanda rwafatanga rwayishyuraga neza ndetse nakubwira ko no muri COVID-19 nabwo twakomeje kwishyura k’uburyo byahaye abafatanyabikorwa bacu icyizere gituma n’ubu tugikorana muri uru rwego.”

Guverineri wa Banki Nkuru y’u Rwanda John Rwangombwa nawe yavuze ko u Rwanda rutarajya mu bihugu bifite umwenda bitabasha kwishyura ndetse ngo mu mwaka wa 2024 ibintu byose byaruzituraga bigatuma umwenda warwo uzamuka mu rugero runaka, bizaba byarakuweho.

Ngo hari impapuro mpeshwamwenda( Eurobond) zo mu mwaka wa 2013 rutarishyura ariko ngo zizishyurwa bitarenze umwaka wa 2023.

 Ibiciro ku isoko byavuzweho…

Minisitiri w’imari n’igenamigambi Dr.Uzziel Ndagijimana yavuze ko ikibazo cy’ibiciro ku isoko ryazamuwe cyane n’ibibazo byabaye ku isi muri rusange no mu Rwanda by’umwihariko mu myaka mike ishize, ariko ngo Leta yashyizeho  uburyo bwo kuzabigabanya ariko si inzira ngufi.

Dr. Ndagijimana avuga ko ibyo u Rwanda rushoboye gukora muri uyu mujyo ruzabikora kandi ngo bikubiyemo kongera amazi yo kuhira imyaka kandi ikuhirirwa ku buso bugari kurushaho.

Yavuze ko bazakomeza no guha abaturage ifumbire kugrira ngo yunganire amazi mu kweza imyaka, ibyo kandi bikagendana no gushishikariza abahinzi guterera imyaka ku gihe.

Icyakora ngo hari ibindi u Rwanda rudafite ubushobozi bwo guhagarika birimo iyongera cyangwa igabanuka ry’ibyuka bihumanya ikirere kuko rutari mu bihugu bifite inganda zikomeye.

Ati: “ Uretse imihagurikire y’ikirere, ibindi byose ngo byarateganyijwe harimo no kongera amazi yuhirwa ndetse no gushakira ibihingwa imiti ituma bitazahara.”

Ibiciro ku isoko muri rusange byarazamutse

Abaha u Rwanda inguzanyo barushimira ko rwishyura neza kandi n’aho bitameze neza rukabiganira ho nabo.

Ni ngombwa ko abafatanyabikorwa baganira ku mishinga bahuriyeho kugira ngo harebwe uko yatanga umusaruro yari yitezweho niyo haba hari imbogamizi zivutse zitari zitezwe.

Mu mwaka wa 1969, Ikigega mpuzamahanga cy’imari, IMF, cyatangije gahunda yo gushyira ku ruhande amafaranga yo kugoboka ibihugu mu ngengo yabyo y’imari.

Ni amafaranga bita DTS( Droit de Tirage Speciaux mu Gifaransa) cyangwa SDR ( Special Drawing Rights mu Cyongereza).

Kuva muri uriya mwaka kugeza ubu, hamaze gutangwa ama DTS agera kuri Miliyari 660.7  akubiyemo Miiyari 456 z’ama DTS yahawe ibihugu mu mwaka wa  2021 yo kubifasha guhangana n’ingaruka za COVID-19.

Ni amafaranga atangwa avunjwe mu moko ane y’amafaranga akomeye kurusha ayandi ku isi.

Ayo ni amadolari y’Amerika, Amayero akoreshwa mu bihugu bigize Umuryango w’Uburayi, Amayeni yo mu Buyapani, Ama renminbi yo mu Bushinwa n’amapawundi yo mu Bwongereza.

Aya mafaranga yahawe ibihugu byinshi byagizweho n’ingaruka za COVID-19 kandi yatanze umusaruro mu rugero runaka ariko nanone bigaterwa n’ubunini bw’umwenda buri gihugu gifite.

Soma iby’uko u Rwanda rufata kandi rukishyura imyenda :

Ibintu 5 Wamenya Ku Mwenda Wa Miliyoni $620 U Rwanda Rwafashe

Guverineri wa Banki nkuru y’u Rwanda John Rwangombwa
Minisitiri w’imari n’igenamigambi Dr Uzziel Ndagijimana mu kiganiro n’abanyamakuru
Haimanot Teferra uhagarariye IMF mu Rwanda
TAGGED:COVID-19IMFNdagijimanaUmwenda
Share This Article
Facebook Twitter Whatsapp Whatsapp Telegram Threads
Previous Article Gasabo: Ivatiri Yataye Kaburimbo Igwa Mu Mugezi Igaramye
Next Article Jacob Zuma Yafunguwe
Tanga igitekerezo

Leave a Reply Cancel reply

Your email address will not be published. Required fields are marked *

- Advertisement -

Aheruka

Sassou Nguesso Ari i Kinshasa Mu Bukwe Bw’Umukobwa Wa Tshisekedi

Abayobozi Bakuru Mu Ngabo Za Mozambique Bari Mu Rwanda

Nyaruguru: Bagiye Gusasa Inzobe Kucyatumye Abana Batsindwa

Rwanda: Ntibiramenyekana Uko Amakipe Azahura Muri Shampiyona Ya 2025/2026

Kabila Yasabiwe Urwo Gupfa

- Advertisement -
Ad imageAd image
- Advertisement -

Trending News

MINAGRI Irasaba Abahinzi Kudahubukira Gutera Imyaka

Abakekwaho Kwiba Mu Isoko Rya Kimironko Bafashwe

Afurika Yunze Ubumwe Igiye Gushyiraho Komisiyo Ku Masezerano Ya Kigali Na Kinshasa

Nduhungirehe Yitabiriye Inama Yiga Ku Bufatanye Bw’Ubuyapani N’Afurika

Uburundi Bugiye Gukoresha Amafaranga Y’Ubushinwa Mu Gutumiza Ibintu Hanze

You Might Also Like

Mu RwandaPolitikiUbukungu

Abakoresha Amadovize Bishyurana Bitemewe Bagiye Gucika-BNR

Yandtswe na Umwanditsi wa Taarifa
Mu RwandaUbubanyi n'AmahangaUbukungu

Qatar Mu Bufatanye N’u Rwanda Mu Gukora Imiti

Yandtswe na Umwanditsi wa Taarifa
Mu RwandaUbukungu

Miliyoni Frw 464 Z’Ishimwe Zahawe Abatse EBM

Yandtswe na Umwanditsi wa Taarifa
Imibereho Y'AbaturageMu RwandaUbukungu

Rubavu: Abafite Ubumuga Basaba M23 Kubakomorera Ku Bicuruzwa Byose Bijya i Goma

Yandtswe na Umwanditsi wa Taarifa

Taarifa is a Rwandan News Platform telling true stories by delivery quick, in-depth and exclusive news on Social, Political, and Economic issues.

  • +250788316164
  • +25078457033
  • info@taarifa.rw
  • taarifarwanda@gmail.com
Facebook Twitter Youtube Instagram Flickr Tiktok

Mu Rwanda

  • Politiki
  • CHOGM-2022
  • Umutekano
  • Ubukungu

Mu Mahana

  • Mu Mahanga

Mu Mahana

  • Imikino
  • Imyidagaduro

Indimi

English

Francais

© 2015-2023 Copyright Taarifa.rw | All rights reserved.

  • Advertise
  • About Us
  • Contact
  • Privacy Policy
  • Terms & Conditions
Go to mobile version
Welcome Back!

Sign in to your account

Lost your password?