Jack Grealish Yabaye Umukinnyi Wa Mbere Uhenze Mu Bwongereza

Ikipe ya Manchester City yasinyishije Jack Grealish wari kapiteni wa Aston Villa yo mu cyiciro cya mbere muri shampiyona y’u Bwongereza, atanzweho miliyoni £100.

Yahise aca agahigo k’umukinnyi uhenze kurusha abandi muri Premier League, aciye kuri Paul Pogba waguzwe na Machester United muri Juventus mu 2016, kuri miliyoni £93.25.

Grealish w’imyaka 25 yasinye amasezerano y’imyaka itandatu, akazambara nimero 10 mu mugongo. Ni nimero yambarwaga na Sergio Aguero uheruka kuva muri iyi kipe.

Pep Guardiola utoza Manchester City yari amaze igihe yishimira imikinre ye, aho amaze gukinira Aston Villa imikino 213 mu myaka umunani, ayitsindira ibitego 32.

- Kwmamaza -

Grealish yari asigaranye imyaka ine ku masezerano yaherukaga gusinya.

Ni umwe mu bari bagize ikipe y’u Bwongereza yageze ku mukino wa nyuma wa Euro 2020.