Ibyatangajwe na Komisiyo y’amatora mu rwego rw’agateganyo byerekana ko Kagame Paul wari waratanzwe na FPR Inkotanyi ari we watsinze amatora n’amajwi 99.15%.
Yatowe n’abantu 7,099,810, Habineza Frank w’ishyaka riharanira Demokarasi no kurengera Ibidukikije, DGPR [Democratic Green Party of Rwanda] yaje ari uwa kabiri n’amajwi 0.53% aho yatowe n’abantu 38,301 mu gihe Mpayimana Philippe wari umukandida wigenga afite 0.32 aho yatowe n’abantu 22,753.
Mu majwi y’Ibanze ya Komisiyo y’Igihugu y’amatora ni ay’abatoye mu Banyarwanda baba mu mahanga n’ababa mu Rwanda.
Muri rusange abatoreye mu mahanga bangana na 52.73% mu majwi amaze kubarurwa angana na 40,675.
Mu Banyarwanda batoreye mu mahanga, abatoye Kagame Paul bangana na 95.40% Frank Habineza ni 2.15% naho Philippe ni 2.45%
Mu Rwanda, mu ntara y’Amajyaruguru abatoye bangana 77.81% bangana na 1,151,970, Paul Kagame atorwa ku majwi 99.65%, bangana na 1,167,962.
Frank Habineza yatowe ku majwi angana na 0.27% bangana na 3,053.
Mpayimana Philippe yagize amajwi 0.08% bangana 935.
Aha ni mu Majyaruguru.
Mu Ntara y’Amajyepfo abatoye bose bangana na 78.57% bangana 1,615,265, Paul Kagame ahatsindira ku majwi 98.60%, Frank habineza agira 0.73% naho Mpayimana Philippe agira 0.67%.
Intara y’Uburasirazuba abatoye bose bangana 1,766799 bangana na 78.65%, Kagame ahagira amajwi 99.30% angana na 1,754,489 . Frank Habineza ni 0.64% bangana na 11,369, Mpayimana ni 0.05% banagana na 961.
Mu Ntara y’Uburengerazuba abatoye bose ni 1,607,932. Paul Kagame yagize amajwi 99.60% bangana na 1,491,447.
Habineza yahagize amajwi angana na 0.11 %angana n’abantu 1,839, Mpayimana Philippe agira amajwi 0.29% angana na 4,446.
Abatuye Umujyi wa Kigali batoye bose bangana 978,223 bangana na 83.45%, Kagame yahagize amajwi 98.59% ku bantu 966,452, Frank Habineza ni 0.96% angana n’abantu 9,433 bamutoye, Mpayimana Philippe agira 0.44% angana n’abantu 4,33 .
NEC ivuga ko izatangaza mu buryo bwa burundu ibyavuye mu matora bitarenze tariki ya 27 Nyakanga, 2024.
Muri iryo joro Kagame yahise ahura na bamwe mu bamutoye abashimira mu izina ry’abandi ku kuba bamugiriye icyizere.
Yababwiye ko iyo ari kumwe nabo atajya ashoberwa, ariko ababwira ko akazi kenshi kari imbere.
