Abaturage b’ahitwa Lumakanda muri Kakamega muri Kenya badukiriye umupolisi bari basanganye inka bari barabuze, baramukubita bamugira intere.

Bamukubise bamushinja ko akoresha imbaraga ahabwa n’uko ari umupolisi, akiba iby’abaturage.

Byose byatangiye ubwo umumotari yaparikaga mu mudugudu akabwira abaturage ko abonye umupolisi yururutsa inka muri pandagari kandi ko iyo nka ari yo bari bamaze iminsi barabuze.

Abaturage bahururanye n’iyonka baraza badukira wa mupolisi barakubita.

Icyakora ku bw’amahirwe ye, abandi bapolisi batabaye bamukura mu maboko y’abaturage bari bariye karungu.

Bamujyanye kuri station ya Polisi, baramwondora.

Citizen Digital ivuga ko, ku rundi ruhande, abatuye agace byabereyemo bavuga ko ubujura bwahabaye ikibazo gikomeye.

Banenga ko ntacyo Polisi ibikoraho kuko n’ufashwe bidatera kabiri atarekuwe.