Umujyi wa Kigali wahaye amasezerano y’umwaka umwe ikigo kitwa CALL ME Ltd ngo kijye gikorera isuku Stade Kigali Pélé Stadium.
Ni nyuma y’uko itangazamakuru rigaragaje ko iyi stade yari igiye kuba ikimoteri itaramara n’umwaka itashywe na Perezida Kagame.
Muri Kamena, 2023 nibwo amafoto yerakana umwanda wari uri muri iriya stade yatangajwe.
Hirya no hino muri yo hari hanyanyagiye amashashi ya biswi, mu nguni zayo hari ahantu bihagarika.
Bidatinze hahise hategurwa umuganda rusange wo kuyisukura.
Amafoto dukesha bagenzi ba UMUSEKE yerekana abakozi ba CALL ME Ltd bambaye imyenda n’ibikoresho bijyanye n’isuku bari gusukura iriya stade.
Ni akazi bamaze ibyumweru bibiri batangiye gukora.
