Menu
Indimi
Advert

Icyorezo COVID-19

Magufuli ‘Ararembye’, Harakekwa COVID-19

Yanditswe kuwa

Ku mbuga nkoranyambaga z’abatuye Tanzania handitswe ko Perezida John Pombe Magufuli ari mu bitaro byo muri Kenya, kandi ko arembye. Abenshi baremeza ko arwaye COVID-19.

Hari hashize ibyumweru runaka atagaragara mu ruhame. Bwana Tindu Lissu utavuga rumwe na Leta ya Magufuli yibajije impamvu Ibiro by’Umukuru w’Igihugu bitabwira abaturage uko umuyobozi wabo amerewe, bikabihisha kugeza ubwo abantu batangiye kubihwihwisa.

Lissu yagize ati: “ Ubusanzwe ubuzima bw’umukuru w’igihugu ni ikintu gihangayikisha abaturage. Ubwo Kikwete yarwaraga cancer ya prostate twarabibwiwe, ubwo Mkapa yajyaga hanze guhindurirwa urubavu kubera uburwayi twarabibwiwe, twabwiwe uko ubuzima bwa Mwalimu bwari bumeze ariko bigera kuri Magufuli bakanuma!”

Tindu Lissu asanga ibivugirwa ku mbuga nkoranyambaga ari ukuri kuko ngo aho Magufuli arwariye haklajijwe umutekano cyane bityo bikerekana ko ibivugwa ari ukuri.

Hari umwarimu wo muri Kaminuza witwa Nic Cheeseman nawe wanditse kuri Twitter ko hari amakuru afite yizeye yemeza ko Magufuli agomba kuba arembejwe na COVID-19.

Prof Nic Cheeseman

Bibaye ari COVID-19, yaba yarabigizemo uruhare…

KDRTV yanditse ko Perezida Magufuli ari mu bakuru b’ibihugu banditsweho cyane kuva COVID-19 yagera muri Africa nyuma y’uko abujije abaturage be gubahiriza ingamba zo kuyirinda, harimo ni kwambara agapfukamunwa.

Yumvikanye kenshi avuga ko Imana ari yo izarinda abaturage be, ko nta mpamvu yo kwambara agapfukamunwa, guhana intera n’izindi ngamba.

Abanyarwanda batwara rukururana bavuga ko iyo bajyaga muri Tanzania kurangura bageraga ku mupaka bagasabwa gukuramo agapfukamunwa.

Igitekerezo 1

1 Comment

  1. Sungura

    10 March 2021 at 6:52 am

    Uwiyishe ntaririrwa, Magufuli yanze kumva ibyo bamuhanura none ndebera!

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement https://taarifa.rw/wp-content/uploads/2021/03/TC_ad.gif