Izo modoka zazanywe n’uruganda rw’Abashinwa rwitwa BYD Auto.

Ruzobereye mu gukora imodoka zikoreaha amashanyarazi rukaba ruzakorana by’umwihariko n’ikigo CFAO Motors mu kugurisha izo modoka mu Rwanda.

U Rwanda rusanganywe gahunda yo kugabanya uburemere bw’ibyuka bihumanya ikirere.

Ruri mu bihugu bishimirwa umuhati wabyo mu kurengera ibidukikije muri rusange no kugabanya ibyuka bihumanya ikirere.

Mu mihanda y’i Kigali hagaragara imodoka zikoresha amashanyarazi avanze na lisansi ndetse na bisi zikoresha amashanyarazi yonyine.