Perezida w’Uburundi Evariste Ndayishimiye ntiyitabiriye Inama y’Abakuru b’ibihugu bigize Umuryango w’Afurika y’Uburasirazuba, EAC, yabereye Arusha muri Tanzania.

Yahagarariwe na Visi Perezida w’Uburundi witwa Prosper Bazombanza.

Perezida wa Sudani y’Epfo Salva Kiir Mayardit niwe wayoboye iyi nama kuko ari nawe uyobora EAC

Abandi Bakuru b’ibihugu bayitabiriye ni Paul Kagame w’u Rwanda, Samia Suluhu Hassan wa Tanzania, Yoweri Museveni wa Uganda, William Ruto wa Kenya n’Umunyamabanga mukuru w’uyu muryango Dr.Veronica Nduva.

Muri iyo nama ntihabura kugaruka ku ngingo y’umutekano muke muri aka Karere Karere kuko irakomeye.

Indi ngingo ishobora kuzaganirwaho ni ukoroshya imihahiranire hagati y’ibihugu bigize uyu muryango, ibibazo bibangamira urujya n’uruza rwambuka imipaka bikavanwaho.

Kuva uwo Muryango w’Afurika y’Uburasirazuba, EAC, wongera gukora neza mu mwaka wa 1999, ugizwe n’u Rwanda, u Burundi, Kenya, Tanzania, Uganda, Sudani y’Epfo, Repubulika ya Demukarasi ya Congo na Somalia ikibisaba.

Hagati aho Perezida Salva Kirr wa Sudani y’Epfo yahererekanije ububasha bwo kuyobora EAC  na mugenzi we wa Kenya William Ruto.