Umukuru w’u Rwanda Paul Kagame yakiriye mu Biro bye Andrew Wambari Kairu uyobora ikigo gifite Banki y’ubucuruzi ya Kenya yitwa Kenya Commercial Bank (KCB). Iyi Banki iherutse kugura Banki y’abaturage y’u Rwanda.

Wambari Kairu ari i Kigali mu muhango  wo guhuza Kenya Commercial Bank na Banque Populaire y’u Rwanda, BPR bivamo ikigo

Andrew Wambari Kairu ni umunyamabanki wo muri Kenya uri mu bazwi kurusha abandi kandi w’umuhanga cyane.

Afite amateka mu by’imicungire y’imari mu banki no  muri serivisi zo muri uru rwego.

Niwe uyobora Ikigo KCB Bank Group gicunga Banki ya KCB, kikaba ari cyo cya mbere kinini muri Afurika y’i Burasirazuba, EAC.

This afternoon at Urugwiro Village, President Kagame received Andrew Kairu, Chairman of @KCBGroup and delegation who are in Kigali where they launched BPR Bank Rwanda Plc @BPRbankrw, a merger of KCB Rwanda and Banque Populaire du Rwanda (BPR). pic.twitter.com/jZp5KqK7PN

— Presidency | Rwanda (@UrugwiroVillage) May 5, 2022

Yigeze kuba muri Komite ya Commonweath yari ishinzwe kugenzura imikoreshereze y’imari y’ubu muryango.

Afite ubumenyi mu ngingo zitandukanye zirebana n’imicungire y’imari na  ma Banki.

Andrew Wambari Kairu yashoye no mu bwubatsi bw’amacumbi, n’ibindi.

Aba no muri itsinda rishinzwe gusuzuma imikorere y’ikigo nyafurika kita ku rusobe rw’ibinyabuzima kitwa  Global Board of the African Wildlife Foundation (AWF).