Menu
Indimi
Advert

Ububanyi n'Amahanga

RDF Yavuye Ku Buntu Abaturage Basaga 1100 Muri Kenya

Yanditswe kuwa

Mu bikorwa by’icyumweru cyahariwe ubufatanye bw’ingabo n’abasivili muri Afurika y’Iburasirazuba cyasojwe kuri uyu wa Gatatu, itsinda ry’abaganga b’Ingabo z’u Rwanda ryashoboye kuvura abarwayi 1129 ku buntu, muri Kenya.

Icyo gikorwa cyiswe EAC Armed Forces Civil-Military Cooperation Week, Ingabo z’u Rwanda zagikoreye ku Kigo Nderabuzima cya Muumandu, mu Ntara ya Machakos.

Muri icyo gihe cyose abaganga b’inzobere b’Ingabo z’u Rwanda bafatanyije n’Ingabo za Kenya (KDF), bavuraga abaturage mu byiciro bitandukanye birimo indwara z’abana, ibijyanye n’ubuzima bw’abagore, indwara zo mu mubiri, ubuvuzi rusange, indwara z’amaso n’amenyo.

Ambasaderi w’u Rwanda muri Kenya, Dr Richard Masozera, kuri uyu wa 12 Ukwakira yasuye ririya vuriro rya Muumandu Health Center, avuga ko ibikorwa bya RDF na KDF bigaragaza isura nyayo yo kwishyira hamwe EAC iharanira.

Maj Gen S O Radina wo muri KDF, yashimye Ingabo z’u Rwanda ku murimo ukomeye zakoze kuri Muumandu Health Center.

Ati “Iyo umubano ari mwiza, abaturage bacu nibo babyungukiramo.”

U Rwanda rwari rwohereje abaganga 19 muri kiriya gikorwa cyaberaga muri Kenya kuva ku wa 9-13 Ukwakira 2020. Cyaberaga mu Ntara za Machakos, Kajiado na Nairobi.

Intumwa z’u Rwanda zari ziyobowe na Lt Col Vincent Mugisha ushinzwe ibikorwa bihuza igisirikare n’abaturage muri RDF (J9). Zakoreraga mu Ntara ya Machakos, mu bikometero 85 uvuye mu murwa mukuru Nairobi.

Iki gikorwa ni ngarukwamwaka, kigamije kwimakaza ubufatanye bw’ibihugu binyuze mu bikorwa bihuza abasirikare n’abasivili.

Iyi ni inshuro ya gatatu kibaye. Ebyiri ziheruka cyabereye muri Uganda mu 2018 no mu Rwanda mu 2019.

 

Ingabo z’u Rwanda zavuraga indwara nyinshi zitandukanye

Ingabo z’u Rwanda zashimiwe umurimo ukomeye zakoze

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here