Ku wa Gatatu taliki ya 9, Gashyantare, 2024, ni bwo hatangiye Shampiyona y’Icyiciro cya mbere mu mukino w’intoki wa Basketball mu bagabo n’abagore. Amakipe abiri makuru ari yo REG Basketball Club na APR BBC yatangiranye intsinzi.
Yabonye intsinzi mu mikino ibiri yabimburiye indi izakinwa n’aya makipe y’abagabo.
REG BBC yatsinze Inspired Generation BBC amanota 92-43, mu gihe APR BBC yatsinze Kepler BBC amanota 98-67.
Yaba Inspired Generation na Kepler BBC, yombi ni amakipe yitabiriye iri shampiyona bwa mbere.
Ku wa Gatandatu taliki ya 10 Gashyantare 2024, habaye umukino umwe, urangira Espoir BBC yatsinzwe na UGB BBC amanota 65-59.
Bukeye bw’aho taliki 11, Gashyantare, 2024( hari ku Cyumweru) Patriots BBC itsinda Tigers BBC amanota 84-67.
Imikino yo mu makipe y’abagore yabaye guhera ku wa Gatandatu taliki 10, Gashyantare, 2024.
REG WBBC yatsinze East African University Rwanda (EAUR) WBBC amanota 85-39.
Ni mu gihe Ikipe ya APR WBBC yatsinze Kepler WBBC amanota 61-53 naho The Hoops WBBC itsinda UR-Kigali amanota 91-27.
Mu makipe y’abagore kandi ku Cyumweru taliki 11, Gashyantare, 2024 habaye imikino ibiri mu cyiciro cy’abagore.
Iyo ni uwahuje IPRC-Huye WBBC yatsinze UR-Huye amanota 123-17, mu gihe GS Marie Reine yatsinze GS Gahini amanota 80-59.
Imikino ya shampiyona mu byiciro byombi izongera gukinwa mu mpera z’iki Cyumweru, taliki ya 16,17,18, Gashyantare 2024.
