Imibare y’agateganyo yabaguye mu gitero cyagabwe na Islamic State ivuga ko kugeza mu gitondo cyo kuri uyu wa Gatandatu, bari bamaze kuba 53.
Leta ya Syria yatangaje ‘nta kabuza’ kiriya gitero cyagabwe na Islamic State ishami ryo mu Mujyaruguru ya Iraq.
Umuganga wo mu bitaro by’ahitwa Palmyre witwa Walid Audi avuga ko mu bishwe harimo n’abasirikare barindwi.
Ku ikubitiro hari hatangajwe ko abantu 36 ari bo bahise bahasiga ubuzima.
Mu Cyumweru gishize nabwo hari abandi bantu bishwe barashwe.
Abakurikiranira hafi ibibera muri Syria bavuga ko Islamic State yubuye umutwe kubera ko imaze iminsi igaba ibitero mu bice bitandukanya bya Syria.
Mu myaka yashize yari yarakubiswe inshuro, iratatana ariko ngo yarongeye irisuganya.
Kuva intambara yo muri Syria yatangira mu mwaka wa 2011, imaze kugwamo abantu bangana na miliyoni imwe n’igice, abandi barenga uwo mubare babaye impunzi.
