Gen Christian Tshiwewe Songesa wabaye Umugaba Mukuru w’Ingabo za Congo ku butegetsi bwa Perezida Felix Antoine Tshisekedi araburanishwa mu rukiko we n’abandi 9 baregwa ubugambanyi kuri Tshisekedi.
Tshiwewe n’abo bandi bavugwaho gucura uwo mugambi bazaburanira mu Rukiko Rukuru rwa gisirikare i Kinshasa mu rubanza ruzaba ku wa kane tariki ya 04 Kamena, 2026.
Gen Christian Tshiwewe Songesa yahoze ari Umugaba Mukuru w’ingabo za Congo, ku butegetsi bwa Tshisekedi, ayoboye urutonde rw’abaregwa barimo Gen John Numbi Banza Ntambo, Gen.Maj Maurice Nyembo Kufi, n’abandi barimo Brig.Gen Chinyabuuma Kamukinde, Brig.Gen John Ngoy wa Kabila, na Brig.Gen John Sangwa Muhemedi.
Abandi ni Colonel Col. Guy Mukombozi Zahinda, Col Pathy Sangwa Lumbu na Col Christophe Tshibangu Kenge.
Undi ni umusivili witwa Pascal Nyembo Muyumba.
Baregwa ibyaha bikomeye birimo ubugambanyi, ubuhemu, iterabwoba, gukwirakwiza ibihuha, kurenga ku mategeko, gutorokera mu mahanga, gutunga intwaro z’intambara n’amasasu mu buryo butemewe, no gushishikariza abasirikare kugumuka.
Mu myaka mike yashize, ubutegetsi bwa Perezida Felix Tshisekedi bwafunze abasirikare bo hejuru bahoranye ijambo ku butegetsi bwa Perezida Joseph Kabila bamwe bapfira muri gereza.
