Ibinyamakuru byo muri Amerika no mu Bufaransa bitangaza ko u Burusiya bwatangaje ko bugiye gusubiza bamwe mu basirikare babwo bari baragiye ku mupaka wabwo na Ukraine mu bigo byabo.
AFP na Bloomberg byanditse ko abasirikare b’u Burusiya bari basanzwe baroherejwe ku Majyepfo no mu Burengerazuba bwa Ukraine bagiye gutangira gusubizwa mu bigo byabo.
Ni amakuru atunguranye ariko nanone agaruye icyizere cy’amahoro mu bantu kuko hari hamaze iminsi hari umwuka w’intambara hagati y’u Burusiya na Ukraine, iki gihugu bikaba bivugwa ko cyoshywa n’Amerika n’u Burayi kandi gituranye n’igihangange gikomeye kitwa u Burusiya.
#UPDATE Moscow says some military deployed near Ukraine are returning to their bases, after a build up of Russian forces around Ukrainian borders spurred fears of an invasion.
"Units of the Southern and Western military districts… will begin moving to their military garrisons" pic.twitter.com/TFQZmW4IsK
— AFP News Agency (@AFP) February 15, 2022
Icyakora nta tangazo rirava muri Minisiteri y’ingabo cyangwa iy’ububanui n’amahanga y’u Burusiya rivuga ko koko ingabo zabo zagiye gutaha.
Uko byaba bimeze kose ariko, igihe cyose Amerika n’u Burayi bizakomeza gukoresha Ukraine ngo ibibere uburyo bwo kubangamira inyungu z’u Burusiya, umutekano uzakomeza kuba mucye mu gace iki gihugu giherereyemo.
Mu mwaka wa 2014, u Burusiya bwigaruriye Intara ya Crimea, buyiyomekaho buyambuye Ukraine.
Amahanga yarabyamaganye ariko birangira Crimea ibaye iya Moscow.
