Menu
Indimi

Politiki

U Bushinwa Bwahaye u Rwanda Izindi Nkingo 300,000 Za Sinopharm

Yanditswe kuwa

Minisiteri y’Ubuzima yatangaje ko kuri iki Cyumweru u Rwanda rwakiriye inkingo 300,000 za COVID-19 zo mu bwoko bwa Sinopharm rwahawe n’u Bushinwa, zigiye kwifashishwa mu kurushaho gukingira abaturarwanda benshi bashoboka.

Inkingo za Sinopharm zikorwa n’ikigo cya Leta y’u Bushinwa gikora inkingo n’imiti, China National Pharmaceutical Group.

Ikigo cy’Igihugu gishinzwe Ubuzima, RBC, cyemeje ko “izi nkingo zigiye guhita zoherezwa mu turere dutandukanye hanze ya Kigali, zigahabwa abantu bari mu byiciro bitahiwe by’abaturage.”

Muri Kanama 2021 nabwo u Bushinwa bwoherereje u Rwanda inkingo zisaga 200,000 za Sinopharm, ziyongera ku zindi za  Pfizer, AstraZeneca na Johnson & Johnson zirimo gukoreshwa mu gukingira COVID-19 mu Rwanda.

Ishami ry’Umuryango w’Abibumbye ryita ku Buzima (WHO) rigaragaza ko mu igerageza ryakorewe ku bantu benshi, urukingo rwa Sinopharm basanze rushobora kurinda umuntu kugaragaza ibimenyetso bya SARS-CoV-2 – virus itera COVID-19 – ku gipimo cya 79%.

Ni ubwirinzi umuntu agira guhera ku munsi wa 14 kuzamura, uhereye igihe yaboneye urukingo rwa kabiri. Hagati y’urukingo rwa mbere n’urwa kabiri hashyirwamo intera y’iminsi 21.

Uru rukingo kandi rurinda umuntu wanduye kuremba ku gipimo cya 79%.

Kugeza ubu abaturarwanda bamaze gukingirwa COVID-19 nibura bahawe urukingo rumwe ni miliyoni 4.3 mu gihe abakingiwe byuzuye ari miliyoni 2.1.

Tanga igitekerezo

Tanga igitekerezo

Your email address will not be published. Required fields are marked *

Advertisement

English Version

Advertisement
WeCreativez WhatsApp Support
Mutwandikire turabasubiza
Twandikire