Menu
Indimi
Advert

Mu mahanga

Ubuzima Bwa Magufuli Ntibuvugwaho Rumwe

Yanditswe kuwa

Minisitiri w’Intebe wa Tanzania Bwana Kassim Majaliwa yatangaje ko Dr John Pombe Magufuli ari muzima kandi ari mu kazi ndetse ko agakorana umurava.

Majaliwa avuga ko impuha z’uko Perezida Magufuli arembeye mu Buhinde, abandi bakavuga muri Kenya ko atari byo.

Kassim Majaliwa yagize ati: “ Baturage ba Tanzania mushyira umutima hamwe, Perezida wanyu ameze neza!”

Uyu muyobozi mukuru muri Tanzania yabivugiye muri umwe mu misigiti ikomeye muri Tanzania uri ahitwa Njombe.

Hari hashize iminsi hari ‘amakuru’ avuga ko Perezida Magufuli arwaye COVID-19 kandi ko ari mu bitaro muri Kenya aho ari kuvurirwa.

Bidatinze hadutse andi makuru yavugaga ko yoherejwe kuvurirwa mu Buhinde, aya makuru yose Bwana Kassim Majaliwa yayahakanye.

Yagize ati: “ Perezida wacu agira akazi ke kandi niwe ugena uko ari bugakore, nta muntu ugomba kubaririza aho aherereye.”

Bisa n’aho Majaliwa yasubizaga Bwana Tindu Lissu uherutse kuvuga ko Leta igomba kubwira abaturage bayo aho Umukuru w’igihugu cyabo aherereye.

Kugeza ubu ariko  Bwana Majaliwa ntarererekana ibihamya byemeza ko ‘koko Magufuli’ atarwaye.

Bwana Kassim Majaliwa

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement https://taarifa.rw/wp-content/uploads/2021/03/TC_ad.gif