Ubuyobozi bw’Umujyi wa Kigali bufatanyije n’izindi nzego bwafashe umwanzuro w’uko kuri Stade ya Kigali iri i Nyamirambo igirwa gare by’agateganyo yifashishwa n’abagenzi bagana mu Ntara.
Ni umwanzuro wafashwe mu rwego rwo kugabanya ubwinshi bw’abagenzi bwagaragaye muri Gare ya Nyabugogo muri iyi minsi abantu bari kugana mu Ntara ari benshi kwifatanya n’imiryango kwizihiza Noheli.
Umunyamakuru wa Taarifa wagiye muri Gare ya Nyabugogo mu gitondo cyo kuri uyu wa Kane taliki 24, Ukuboza, 2020 yasanzwe hari abantu benshi cyane.
Kubera ubwinshi bwabo, byari bigoye ko babona imodoka zibajyana kandi bose bakagenda bubahirije 50% z’umubarew’abagomba kugenda mu modoka mu rwego rwo kugabanya ibyago byo kwanduzanya COVID-19.
Inama y’Abaminisitiri yateranye tariki 14, Ukuboza, 2020 niyo yafashe ingamba z’uko abantu bagenda mu binyabiziga bitwara abantu muri rusange batagomba kurenga 50%.
Video yerekana uruvunganzoka rw’abagenzi muri Nyabugogo:
