Ikigo Access to Finance Rwanda, AFR, cyatangarije kuri X ko Pitchette Kampeta Sayinzoga ari we wemejwe ko agiye kukiyobora.
Muri iki gihe, iki kigo kiri kubaka uburyo bwo gutuma abakigana bagira ubushobozi bufatika mu by’imari, ubusanzwe kikaba gishinzwe guteza imbere serivisi z’imari zigenewe ahanini abagorwa no kugera kuri izo serivisi kurusha abandi.
We are delighted to announce the appointment of Kampeta Pitchette Sayinzoga @Ksayinzoga as Chief Executive Officer of @AFRwanda, effective 1 August 2026.
Ms. Kampeta joins AFR at an important moment as we begin implementing our new strategic framework and deepen our contribution… pic.twitter.com/G5FwmAZIss
— Access to Finance Rwanda (AFR) (@AFRwanda) August 4, 2026
Nubwo kuri uyu wa Kabiri ari bwo ku rubuga rwa Access to Finance Rwanda batangaje iby’inshingano nshya za Pitchette Kampeta Sayinzoga, mu by’ukuri yazitangiye kuya 01, Kanama(8), 2026.
Guhera mu mwaka wa 2019 kugeza mu 2025 yari Umuyobozi Mukuru wa Banque Rwandaise de Devéloppement, BRD, ahava ajya kuyobora Ikigo cy’ubushakashatsi n’iterambere ry’inganda mu Rwanda (NIRDA)
Yigeze gukora muri Minisiteri y’Imari n’Igenamigambi, ku myanya irimo no kuba Umunyamabanga Uhoraho.
Mu zindi nshingano yagize harimo no gukora Banki y’Isi.
Yabaye mu nama z’ubutegetsi ya banki nka The Trade and Development Bank, Banki y’Iterambere ya Afurika y’Uburasirazuba (EADB), Rwanda Eurobond Committee, GT Bank, no mu Kigo cy’Igihugu cy’Imisoro n’Amahoro.
Yigiye ubukungu muri Kaminuza ya Nottingham mu Bwongereza, ahakura impamyabumenyi ihanitse bita Master’s degree in Economic Development and Policy Analysis.
