Guhera mu mpera z’Icyumweru gishize nibwo Abanyarwanda batangiye gukingirwa. Abakingiwe bari mu ngeri zitandukanye kuko ku ikubitiro habanje abakora mu nzego z’ubuzima, abarimu, abakuze n’abandi.
Hari amakuru Taarifa yamenye avuga ko hari na ‘bamwe mu banyamakuru bakingiwe baganjemo abakorera ibitangazamakuru bya Leta.’
Kuri uyu wa Mbere ku rukuta rwayo, RwandAir yanditse ko n’abakozi bayo bakingiwe.
Gukingira abakorera Ikigo cy’u Rwanda gitwara abantu n’ibintu mu ndege ni igikorwa giha ikizere abatega indege zacyo bagana hirya no hino ku Isi.
