Guverinoma ya Burkina Faso yatangaje ko abantu 132 biciwe mu gitero cyagabwe n’abantu bitwaje intwaro mu gace ka Solhan, mu majyaruguru y’icyo gihugu.
Iki gitero cyagabwe mu ijoro ryakeye ahagana saa munani z’igicuku. Ni cyo gihitanye abantu benshi muri icyo gihugu kuva mu 2015.
Perezida Roch Marc Christian Kaboré yahise atangaza amasaha 72 y’icyunamo, mu guha icyubahiro abishwe.
Umubare munini w’abantu bakomerekeye muri kiriya gitero.
Uretse kwica abantu, abagabye kiriya gitero batwitse inzu zirimo n’isoko ryo muri kariya gace.
