Leta ya Nigeria yatangaje ko abasirikare 11 bayo barimo n’umwe mukuru babonetse barapfuye, nyuma y’iminsi bitangajwe ko baburiwe irengero.
Imibiri yabo yabonetse mu gace ka Konshisha muri Leta ya Benue, nk’uko byemejwe n’umuvugizi w’ingabo za Nigeria. Iyo mubiri yari yaratangiye gushenguka.
Mu minsi ishize nibwo byatangajwe ko abasirikare 11 babuze nyuma yo kugwa mu gico cy’abantu bitwaje intwaro.
Ntabwo haramenyekana uwaba yarishe abo basirikare, gusa leta ya Benue yibasiwe n’ubugizi bwa nabi bukoreshwa intwaro.
